टेलिकमको आफ्नै फाइबर लिङ्क पुग्ने पहिलो जिल्ला :डोल्पा

डोल्पा : डोल्पा जिल्लामा  नेपाल टेलिकमको आफ्नै फाइबर लिङ्क पुगेको छ । टेलीकमको आफ्नै फाईवर लिङ्क पुग्ने साविकको कर्णालीको पहिलो जिल्ला डोल्पा भएको हो ।  यहि मंसिर ८ गते बाट ADSS फाइबर लिङ्कमा जडान भए पश्चात् डोल्पामा द्रुत गतिको इन्टरनेट बिक्री वितरण सुरु गरिएको दुरसञ्चार कार्यालय डोल्पाका प्रमुख दयाबिक्रम केसीले जानकारी दिए ।

कर्णाली प्रदेशका हिमाली जिल्लामा नेपाल टेलीकमको आफ्नै फाईवर लिङ्कबाट सेवा पाउने पहिलो जिल्ला डोल्पा भएपछि डोल्पावासीमा खुसि छाएको छ  । यो सेवा जडान भएर सुचारु भएसँगै अव सेवाग्राहिले आफुले चाहे अनुसारको द्रुत गतिको ईन्टरनेट सेवा उपभोग गर्नपाउने दुरसञ्चार कार्यालय डोल्पाका प्राबिधिक नवाराज भट्टराईले जानकारी दिए ।  भट्टराईका अनुसार सेवाग्राहिले बार्षिक रुपमा  १३ हजार २ सय ३०  रुपैया तिरेपछि न्युनतम 50 Mbps को इन्टरनेट +1 IPTV मोवाईलमा हरेक दिन राति 300 र दिनमा 300 MB Data 1 बर्ष सम्म पाउनेछन भने राउटर सेटअप बक्स तार त्यसमा नै उपलब्ध गराइने बताए ।

३ हजार मिनेट फोन निशुल्क हुनेछ भने सबैभन्दा धेरै ठुलो प्याकेजमा २ वटा IPTV अनि 1GBPS ईन्टरनेट अनलिमिटेड फोनकल निशुल्क बार्षिक १ लाख ८ हजार ८ सय ३१ रुपैया लाईन जडान र ३ हजार २ सय ३० रुपैया सेटअपबक्स लाग्नेछ  भने १ सय मिटर तार र राउटर निशुल्क पाइनेछ ।