डोल्पामा ३ जनाले जिते कोरोना ६७ जनाको पिसिआर नेगेटिभ जिल्लामा स‌क्रमित स‌ख्या २ जना मात्रै

दुनै : डोल्पामा ३ जनाले कोरोना जितेका छन । जिल्लाको मुड्केचुला गाउपालिकामा रहेका ३ जना कोरोना संक्रमीतले कोरोना जितेको निमित्त प्रमुख जिल्ला अधिकारी लक्ष्मीदेबी शर्माले जानकारी दिईन ।
सहायक प्रजिअ शर्माका अनुसार कोरोना संक्रमित वडा अध्यक्ष सहित ३ जना संक्रमितको कन्ट्याक्ट ट्रेसिङमा रहेका ६७ जनाको पिसिआर परिक्षण गर्दा सबैको रिर्पोट नेगेटिभ आएको बताईन ।
टावर निर्माणको लागि मुड्केचुला गाउपालिकाका एक जना प्राबिधिक सहित वडा अध्यक्ष र अन्य दुई स्थानीयलाइ कोरोना पोजेटिभ भएपछि जिल्ला पुन संक्रमित भएको थियो । उनिहरुलाइ सुरक्षित स्थानमा राखेर पुन पिसिआर परिक्षण गर्दा संक्रमित सहित अन्य ६७ जनाको रिपोट नेगेटिभ आएको हो ।
जिल्लामा रहेका संक्रमितहरुले कोरोना जिते संगै डोल्पामा कोरोना संक्रमीत २ जना रहेका छन । त्रिपूरा सुन्दरी नगरपालिकाको खदाङ आइशोलेसनमा रहेका २ जनाको पिसिआर रिपोट भने आउन बाँकि रहेकोे निमित्त प्रमुख जिल्ला अधिकारी लक्ष्मीदेबी शर्माले जानकारी दिईन ।
निमित्त प्रजिअ शर्माका अनुसार डोल्पामा हाल सम्म ९ जना संक्रमीत मध्य ७ जनाले कोरोना जितेका छन भने दुईजना आइशोलेसनमा छनर ५८ बर्षका एक पूरुषको ज्यान भएको बताईन । जिल्लामा संक्रमित सबै पूरुष रहेका छन ।
जिल्लामा कोरोना संक्रमित भएपनि जनजिवन भने सामान्य रहेको छ । जिल्लामा बाहिरबाट आउनै दैनिक उपभोग्य सामाग्रिहरु र खाद्यान्न भने नियमित रुपमा आयत भइरहेको छ भने हवाइ सेवा भने मौसममा आएको खराबीको कारण तिनदिन देखी उडान हुन सकेको छैन ।